'A strade pe' Seponde (Giuseppe Marchesino)

'A strade pe' Seponde,

m'arrecorde ch'ére stretta strette

cke l'alvere d'i pigne e ch'i cecale,

ind'a staggione, 'nzurdévene 'i récchie.

E vedè chè cundendèzze

che tenémme nuje crejature

'nzaccate ind'a seicinde de papà

che appuijave 'u vrazzo o fenestrille e reréve.

'I borze ck'u magnà

stévene appujate arrète

ck'addore d'i peperusce e d'u tembane

nen parève l'ore che facève mizzejurne.

A sere pò turnamme

stanche, strutte, ma cundènde

e 'a strade pe Seponde chiù bélle me parève

sott'o sole ché se curcàve e ck'a restocce che s'ardève.

Ije mo' tènghe 'u machenone,

ind'a ninde me porte pure a Matenate

e pe' magnà, si tènghe fame,

magne sembe o resturande.

Ma chissà se eje 'a strade

...ch'è cagnate o è cagnate 'a capa mije

ije mo me guarde atturne...

e 'a cèrche sémbe 'a strada vècchie pe' Seponde